(॥పల్లవి॥)
అందుకె పో నిన్ననేది అన్నిటా నేను
యెందుకైనా వెరవవు యెప్పుడూ నీవూ
(॥అందు॥)
నివ్వటిల్ల నాకైతె నిన్నుఁ జూచినప్పుడెల్లా
నవ్వులె గనమాయ నానాటికి
జవ్వనపువాఁడవు సవరనివాఁడవు
రవ్వలకు వెరవవు రచ్చలనెల్లాను
(॥అందు॥)
తాటించి నిన్ను నేను దగ్గరిన యప్పుడెల్లా
మాటలె గనమాయ మరి నోరికి
నీటుతోడివాఁడవు నేరుపరివాఁడవు
యేటికైనా వెరవవు యీడా నాడను
(॥అందు॥)
అంకెల నిన్నుఁ గాఁగిట నలమిన యప్పుడెల్లా
జంకెనలె మిగిలెను సారె సారెకు
పొంకపు శ్రీవెంకటేశ పురుషోత్తముఁడవు
లంకెలకు వెరవవు లలనలయెడను
(||pallavi||)
aṁdugĕ po ninnanedi anniḍā nenu
yĕṁdugainā vĕravavu yĕppuḍū nīvū
(||aṁdu||)
nivvaḍilla nāgaidĕ ninnum̐ jūsinappuḍĕllā
navvulĕ ganamāya nānāḍigi
javvanabuvām̐ḍavu savaranivām̐ḍavu
ravvalagu vĕravavu rachchalanĕllānu
(||aṁdu||)
tāḍiṁchi ninnu nenu daggarina yappuḍĕllā
māḍalĕ ganamāya mari norigi
nīḍudoḍivām̐ḍavu nerubarivām̐ḍavu
yeḍigainā vĕravavu yīḍā nāḍanu
(||aṁdu||)
aṁkĕla ninnum̐ gām̐giḍa nalamina yappuḍĕllā
jaṁkĕnalĕ migilĕnu sārĕ sārĕgu
pŏṁkabu śhrīvĕṁkaḍeśha puruṣhottamum̐ḍavu
laṁkĕlagu vĕravavu lalanalayĕḍanu