ആദിത്യ ദേവന്റെ കണ്മണിയല്ലോ
അല്ലിത്താമര
അമ്പിളി മാമന്റെ കണ്മണിയല്ലോ
അല്ലിയാമ്പൽ
ഹൃദയം കുളിരും പുഷ്പ തടാകത്തിനു
ഇരുവരും ഒരുപോലെ ഇരുവരും ഒരുപോലെ
പനിനീരിൽ കുളിപ്പിക്കും പൊന്നാട ചാർത്തിക്കും
പൂനെറ്റിയിൽ പൊട്ടു കുത്തി പൂമാല ചൂടിക്കും
ചിറ്റോളം ചിലമ്പിടും നൃത്തം പഠിപ്പിക്കും
ചിങ്ങ നിലാവത്തു തുള്ളിക്കളിക്കും
ഇരുവരും ഒരുപോലെ ഇരുവരും ഒരുപോലെ
(ആദിത്യ ദേവന്റെ)
തെന്നൽ ചിരിപ്പിക്കും പൊന്നൂയൽ ആടിക്കും
പൂക്കാലം മുത്ത് വച്ച പൊൻ കമ്മൽ അണിയിക്കും
അന്നാരം തുമ്പികൾ കിന്നാരം ചോദിക്കും
പുന്നാര നിലാവത്ത് മുട്ടി മുട്ടി ഉറങ്ങും
ഇരുവരും ഒരു പോലെ ഇരുവരും ഒരുപോലെ
(ആദിത്യ ദേവന്റെ)